الحياة أوتوبيس كبير..تركبه؟
ده قرار خطير..ياخده ليك ناس غصب عنك..
تندفع بره مكنك يقطع الحبل اللى وصلك باللى جابك إيد خبير..
يقطع التذاكر كمسارى حكومى و تطلع ناس كتير..
ناس بتتحسس طريقها وسط أجسام الزحام..
الهوا بريحة العرق..ويا الغازات ويا تقليد برفانات..
وسط الشتايم و المديح وكلمة الغزل القبيح..
خليط مقزز لازم تشمه.. و النتيجة اختناقك ويا نقص الأكسجين..
و لو وقعت مترحمكش خطاوى ناس مستعجلين..و الا إيدين النشالين و الدعبسة عاللى تطوله ..
(حتى المشاعر و الأفكار لو ما فيش فى جيبك حاجة أغلى أو أهم..)
RSS Feed (xml)
7 comments:
و ما الحياة الأاتوبيس "35" بشرطة ؟؟؟؟؟؟ هههههههههههههههههههههههههههه
دا خط الحلمية التحرير
هى دى الحياة الواقعية التى لا تحوى الا
غازات البطون بديلاً عن عبير الورد
غضب-قرف-كره-غرووور-فقدان ثقة-موهبة جامدة
دا ملخص المدونة الي قرأتها كلها
الكوكتيل دة يا يطلع
حالة ابداعية يا حالة انتحار
ربنا ستر
شكرا على زيارتك الي عرف انها مش حتكرر بعد الكلام السخيف دة
و اسمحيلي اتابع الجديد عندك
طيب مين فينا يملك الشجاعة لإنهاء الرحلة والنزول من الأتوبيس قبل الميعاد المحدد للوقوف والنزول الجبرى لبعض ركابه
!!!
.....
سيدتى الصغيرة
برجاء التكرم على نفسك بأن ترحميها من عذاب لم يكن لها فيه يد ولن يكون
...
فليس السؤال هنا متى ركبنا ومتى سننزل
ولكن السؤال هو
ماذا فعلنا فى رحلتنا طالت أم قصرت
.....
كم شخص أسعدناه
كم شخصا خلعنا عنه هموم ال"فعص"
وكم شخص من ركاب الأتوبيس سيتذكرنا بعد النزول
ومن منهم يتمنا منا المكوث
ومن منهم يريد منا النزول
ناهيك عن من يتمنى أن يلقى بنا خارجا
!!
والأهم من هذا ان نعرف من نتمناه ان يبقى معنا
من يخفف عنا تعب الطريق
ومن يكن له فى عقلنا وقلبنا نصيب
ومن ينير لنا وله فى عقولنا ذكرى تضيء
ولهذا فنجاحنا فى هذه الرحلة يعتمد أولا على البحث عن الكرسى المناسب بجوار الرفيق المناسب لرحلة لا حدود لها إلا فى مهدها وغلقها
.....
موضوع جميل من عقل متصق بافكارة بشدة
تحياتى لك
وتحياتى لكل من حاول
خليط مقزز لازم تشمه..
كل ردي عليكي هو كلامك انتي
يعني مفيش حاجه اقدر اقولها اكتر من اللي انتي قولتيه
"خليط مقزز لازم تشمه.. "
سلااااااااااااااااااااااااااام
الله
فين بتاعت السلالم ياشيكو
عارفة وأنا بقرأ حسيت إن مرحة معينة كده من علاقتنا رجعتلى وبتتحرك قدامى
المهم ده كلام شخصى هكمله معاكى بعدين
-------------
السؤال اللى جه فى ذهنى هو قرار الركوب هو فى ناس بتعيش من غير ما تركب
ينفع يعنى ما تقررشى الركوب من الأساس
اسكندرانى:
u read me:)
نورت و كلامك جميل جدا مش سخيف و لا حاجة و انا كمان هتابعك-لو منتحرتش- باستمرار
ما انت عايف:
لو لقيت كرسى أو رحمة أصلاً
شكرا على كلامك الملئ بالأمل.
شنكوتى؟: ده حقيقى
جنية:
الكل بيركب لأنه بيتولد غصب عنه بس فى ناس بتلزق فالكراسى و بيشيلوها منها
زى المسئولين عندنا فى مصر يعنى :)
شكرا يا جماعة
Post a Comment