"عيد ميلاد سعيد يا بويا"
جواب كتبته للسما..وياريته يوصل
وبعد ما عدت سنين.. مش قادرة أوصل ..
إيه اللى حصل؟
لكنى تايهة..
منين أجيب لفوق طوابع؟
مش لاقية مكتب البريد
و الألم عمال يزيد
يا ترى وصل؟
من يوم طلوعك للسما..مات الأمان
بانوا الديابة و اتقفلت ياما البيبان
و الناس بتفتى:"هتنسى كل ما وقت فات"
و أنا نفسى أسأل مرة و يردوا"مين اللى مات؟"
RSS Feed (xml)
6 comments:
القهر ,,, عاللي مات بيفكروا بيعلم السكات ,,, والديابا الجعانه تنهش فعمر جاي و تنسي امر اللي مات ,,,,,,,,,,,
خليكي قويه .... أنا عارفة أن أنتي قوية
بحبك يا أجمل بنوته فالدنيا
حلوة جدا
ياسمين:
بحاول
شرم:
شكرا جدا :)
خلي الجواب معاكى وخديه وانتى رايحاله فى يوم مالايام
لان اكيد كلنا هنتقابل هناك يعنى فوق فى السما
طابع البريد هو قربك من ربك
وطبعا مكتب البريد هو قرانك وصلاتك
نسيت اقول كلمتين حلوين
بس الامان مش بوجود انسان حتى ولو كان الاب
الامان بيكون بالايمان والقرب من ربك ورب الاب
عمرو
اخويا على فكرة
اش عرفك هنشوف بعض و الا لا؟
انت متأكد انك مش عمرو خالد؟
نياهاها
عايزة تعليقات مش دروس دين و النبى...ده ميمنعش ان
الامان بوجود الناس برضو..امال ربنا خلقهم مع بعض ليه؟
Post a Comment