Sunday, October 5, 2008

هترجعلى

هترجعلى..
فى فنجان قهوة ساعة صبح..
فى سيجارة..
فى صورة باصة مالمرايات..
فى تفصيلة فملامح أخويا
أو بيت اشتريته و سبته..
جوا ألوان الحيطان
اللى بعناها..
فى شنطة مركونة..
هترجعلى فى غنوة وعدتنى انى هحبها بعدين..
و فى رواية..
فى كلمة اسمعها مالتانيين
و مش لاقياك اقولها لك..
عشان خاطرى ..هترجعلى؟

5 comments:

3ali said...

hello there

these are a very pretty-simple words
nice blog in general

thanks for visiting my blog , glad you liked my work
u seems to have interests in art yourself ..

regards

islam yusuf said...

مدونتك جميلة جدا يا شيرين

و كتابتك رائعة
انا دخلت هنا متأخر

هاجى هنا كتير

مودتى

Unknown said...

قريت كل اللي إنتي كاتباه هنا

لو إنتي شخصية كرتون .. فأنا حاسه إني شبهك .. بس مش هضحك علي نفسي عشان شبهك .. عشان الشبه اللي بينا يبكي

..

بس كده

Ehab said...

يا خبرك ابيض ايه ده كله

انا كنت باجي هنا زماااااان
وبعدين نسيت اللينك لكن بقلب في الدفاتر القديمه لقيت اللينك دخلت اشوفه بقالي كتير عمال اقرا بوستات قديمه مش فاكر اني قريتها قبل كده بس تحفه
حالات كتير واوقات كتير كاني ماشي في شريط حياتك بتفرج على مقتطفاته بصراحه شعور مذهل انك تتفرج على شريط حياه غير شريط حياتك
لأنك بتتفرج وانت ممكن تعجب بلحظة الم مر بيها لكن مش هتوجعك يشدك موقف خطر لكن مش تخاف لأنه مش هيئذيك

بصراحه استمتعت قوي بمدونتك بجد احييكي

سلاااااااااااااااااااااااام

مصطفى اسماعيل said...

:)