مشهد 1
النهارده كنت بشترى عصير توت و شيكولاته كتاكيتو من جنب الشغل
اديت الراجل عشرة جنيه ادانى الباقى كله جنيهات جديدة من المعدن
يبدو ان المعدنى أنضف فى المياه و الفلوس-و لو ان ده مش أكيد أوى- و ان اللى طلع الفلوس دى-مجاز مرسل بالبريد السريع- عايز يقدم لنا الأنضف من الخدمات كالعادة.
المهم انى كنت أمام مشكلة عويصة
هشيلهم فى المحفظة ازاى؟
***
مشهد 2
اتوجه لبائع الاكسسوارات، اشترى صرة تليق بجنيهاتى المعدنية الشيك،دوما أحببت تداخل اللونين اللذان اعتبرتهما ملك و ملكة الألوان الفضى و الذهبى
أضع دنانايرى فى الصرةو أركب الناقة -عفوا التاكسى-لأعود لخيمتى
اللغة العربية لماذا؟ ألا تعلم يا رجل ؟ بالطبع كى تلائم سفرنا إلى الوراء حيث لم تكن العامية قد ولدت بعد .
***
سؤال يزق نفسه: هو احنا ناقصين تخلف؟
(صحيح:استبدل ياء العنوان بالجيم)
RSS Feed (xml)
9 comments:
تمسكنا باللغة العربية كتابة وقراءة ولفظا
دليل تحضر ورقي وليس العكس
أتفق بشدة مع السيد زهار فيماأورد بخصوص اللغة العربية كدلالة رقى وتحضر وليس العكس
ولكن العزاء هنا أنها لم تكن تقصد بالسفر للوراء التخلف
ولكنها كانت تقصد السفر للخلف
زيارة لبيت أحد القدامى على الأرجح
وكانت تعنى بذلك
كانت تعنى
كانت تقصد
تقصد ان
اكيد كانت تقصد التخلف
أتفق بشدة مه الزهار !!
أسف جدا غلط فى اسمة
السيد زاهر
صحيح أحنا هنشيلهم ازاى من غير صرة الدنانير
والله الواحد قرف
بس تعرفى أهم بيحمونا من غباوة بعض محبى الفلوس الورق الجديدة
يعنى تركبى المترو ويديكى جنيه سكة فى النص وتيجى تشترى بيه من عند أية بياع ثقيل يقولك ما باخدش فلوس قديمة
هو احنا ممكن نبيعهم كروبابيكيا
________
مرحة لمحبى التجميع والاقتناء فالنقود المعدنية - أكوا أو بركة- تحفة سيئة للإقتناء عديمة القيم الجمالية مثلها مثل الورقة أم ميتين جنيه شكلها معفن
يعنى تشتري الجنيه كمان خمسين سنة بنص جنيه بالعافية
تقوله دا اصدار ألفين وشبعة يقول يا والدى شكله عفش
------------
معذرة على التخريف لأنى كابس عليا النوم
كم يلزم من الدنانير لشراء قارورة مياه؟
الظاهر : كده انك مفهمتنيش:)
ما نت طلعت مش عايف خالص:
استخدمت اللغة العربية كدلالة للزمن الذى كانت هى اللهجة العامية فيه ، التخلف هو العودة لما لا يفيد من الوراء أو الثبات بينما يواصل الآخرون البحث- على الأقل - عن سبل التقدم..
جنية:
فعلا اضطريت اقرا مرتين عشان افهم..و انتى من اهله
اسكندرانى:
:)
وركب الناقة وشرخ
لو ما كنتش قريت ردك على مسالة اللغة العربية كنت قلت كلام كتير
بس انتى لحقتينى
ابقى وضحى وجهة نظرك كويس بقة
وعموما
لو متضايقة من الجنيهات انا ممكن اشيلهالك
أى خدمة
سلام
بدأت لتوي في إنشاء مدونة جديدة باللغة الإنجليزية
أرجو زيارتها وإبداء الرأي فيها
http://meansnecessary.blogspot.com
شكرا
هو الموقف كان حيبقى لذيذ لو رحتى تشترى السرة لقتيها ب 6 جنيه ,فا تدفعى للراجل كل المعدن الى معاكى و تمشى فاضيه بلسرة
Post a Comment